Posted on 8 May, 2022 by Administrator

சின்னமனுார்--அகத்தி விதை விலை குறைந்து வருவதால் கொடிக்கால் விவசாயிகள் மகிழ்ச்சி அடைந்துள்ளனர்.வெற்றிலை கொடிக்கால் விவசாயம் சின்னமனூர், வடுகபட்டி,, ஜெயமங்கலம், சில்வார்பட்டி, மேல்மங்கலம், பெரியகுளம், கம்பம் பகுதிகளில் அதிகம் நடைபெறுகிறது. கொடிக்காலில் வெற்றிலை சாகுபடி செய்ய முருங்கை, அகத்தி மரங்களை வளர்க்க வேண்டும், ஒரு முறை கொடிக்கால் விவசாயம் செய்த நிலத்தில் மீண்டும் கொடிக்கால் அமைக்க முடியாது. வேறு விவசாயம் தான் செய்ய வேண்டும். புதிய கொடிக்கால் அமைக்க ஆடி மாதம் முருங்கை, அகத்தி விதைகள் விதைப்பு செய்ய வேண்டும். கடந்தாண்டு கிலோ ரூ.1800க்கு விற்ற அகத்தி விதை தற்போது ரூ.1000க்கு கிடைக்கிறது. அகத்தி விளைச்சல் அதிகம் என்பதால் விலை குறைவு. இது புதிய கொடிக்கல் அமைக்கும் விவசாயிகளுக்கு மகிழ்ச்சியாக உள்ளது என சின்னமனூர் வெற்றிலை கொடிக்கால் விவசாய சங்க இணை செயலாளர் ரவி கூறியுள்ளார்.